Rein varme – lun hytte
«I gamle hytter vart vindsperra kappa og klemt inn mot søyla. Når treverket turka vart det glissent».
Knut Arne Liodden, Ålhytta
Laga av Erlend Hagen, Bård Svardal, Eldgrim Springgard og Stein Hofve.
Villa gjennomtrekk
Tidlegare kunne hytter vera trekkfulle hus der varmetapet var stort. Byggemetodane var enklare. Energisparing var sjeldan tema, og hyttene var ofte heller ikkje tenkt til heilårsbruk. Har du ei eldre hytte, der temperaturen inne i for stor grad svingar i takt med vind og vêr, kan det svara seg å gjennomføre energitiltak.
Byggteknikkane har endra seg mykje sidan 70-talet. For vår del blir det gjort ei rekke tiltak ved den over 50 år gamle Ålhytta på Sangefjellvegen 123. Tiltak som skal gjera hytta lunare og meir energiøkonomisk – mindre straumforbruk og CO2-utslepp.
Ekstra isolasjon gir lunare hytte.
Utlekta og nyisolert med opningar til nye glas.
Heil vindsperre over hjørne, skøytar og glasrammer.
Alle gamle glas blir skifta ut med trelagsglas i ramme.
Ny vegg med ekstra isolasjon og heildekkande vindsperre.
Tiltak som gir energisparing og lunare hytte:
- Skifte glasI gamle Ålhytter vart glasrutene bygd rett inn i reisverket. I hytta vår, Sangefjellvegen 123, var også mange av glasrutene punkterte. No blir det sett inn nye trelagsglas i karm.
- Etterisolere veggarFor gamle Ålhytter er det mest vanleg å lekte ut 5 cm som gir plass til 5 cm ekstra isolasjon utanpå den gamle. Det kan også vera lurt å byte ut gamal isolasjon viss den er dårleg (fuktskade eller musereir). Utlekting av veggane gir også plass til nye trelagsglas i karm.
- Betre vindtettingVindtetting er eit av dei viktigaste tiltaka mot varmetap. Særleg er det viktig å tette godt rundt glas og dørar og over skøytane mellom elementa. Tidlegare vart tetting gjort med papp som vart pressa inn mot karmar og element. Pappen vart også kappa ved alle søyler. Viss treverket kraup, vart det ein opning og tettinga vart dårleg. I dag blir det trekt ein vindtett duk i heile lengderetninga og forbi alle søyler. Duken blir festa med tape rundt alle opningar og i elementskøytar.
Vindtetting: Vindsperre og ny ytterdør vil gi meir stabil innetemperatur.
- Ny ytterdørDen gamle ytterdøra «lek som ein sil». Nytt inngangsparti med ny dør er difor eit godt energitiltak.
- Oppgradering av eldstadNy effektiv reintbrennande omn er betre både for varme og miljø. Mindre fyring for kråka.
Knut Arne Liodden,
Avdelingsleiar for produksjon
Avdelingsleiar for produksjon
Skal du gjera noko med hytta?
Vi hjelper deg!
Visste du at Ålhytta kan hjelpe deg med rehabilitering, tilbygg og anneks til alle typer hytter og hus? Kontakt våre fagfolk.
Kvifor bruke oss når du skal ruste opp Ålhytta?
Byggesystem i utvikling
Byggesystemet har sidan sekstitalet hatt mange revisjonar. Når hytta skal oppgraderast er det berre Ålhytta som kjenner årsmodellen og kan hente fram dei rette løysingane.
Godt mannskap
Våre håndtverkarar har solid erfaring og kunnskap om Ålhytter.
Det er viktig for å ta vare på det unike byggesystemet og dei smarte løysingane.Heil ved og puter som passar
Vårt tilpassa interiør er laga i heiltre og varar lenge. Systugu sørger for at møbelputene passar.
Livslangt forhold
Me bygger ikkje berre nye hytter, men utfører små og store oppdrag i hytta si levetid.
For det er Ålhytta som kan Ålhytta!
«Før vart glasrutene montert rett inn i reisverket utan karm»
Knut Arne Liodden, Ålhytta
Del 9
1. august. 2025
Lys og lading
For nokre tiår sidan var hyttelivet enklare. Ei parafinlampe var gjerne lyskjelda, vedfyring var varmekjelde, og middagen vart laga til på eit propanapparat med eitt eller to bluss.
Les heile saka ›Del 8
18. juli. 2025
Gamal beis til «besvær»
Hytteveggen må tole hardt vêr. År med vind og snøfokk slit på ytterkledningen. I solveggen turkar veggen fortare ut. Der sola ikkje slepp til vert det ofte fuktigare og kledningen kan bli utsett for svartsopp.
Les heile saka ›Del 6
20. juni. 2025
Graving og fundamentering
Graving i naturen er omstridt. Men er det først gitt løyve til å bygge hytte, er som regel graving heller ikkje til å unngå. Målet bør vera å ikkje ta hol på meir vegetasjon enn nødvendig.
Les heile saka ›Del 5
6. juni. 2025
Riving og avfallshandtering
Avfall som blir kasta skal du sortere og levere til faste mottak. Kva kan brukast om att i eige byggeprosjekt eller i andre bygg?
Les heile saka ›Del 4
23. mai. 2025
Endring av planløysing og fasadar: Er byggeløyve nødvendig?
Planar, lover og forskrifter regulerer alle endringar som blir gjort med ei hytte eller i eit hyttetun. Denne episoden vil peike på ein del av det generelle regelverket.
Les heile saka ›Del 3
9. mai. 2025
Er hytta trygg?
Eldstad, omnsrøyr og pipeløp kan ha lang levetid. Det er tilstanden som avgjer. Særleg i eldre hytter kan det vera fleire ulike brannfeller.
Les heile saka ›