Ålhytta har bygd modulbaserte hytter i over femti år. Med tidlaus arkitektur og prefabrikkerte standardelement fekk Ålhytta sitt særpreg. Ålhytta har alle malar i arkivet og kan difor levere tilbygg og ombyggingselement til ålhytter i alle aldrar. Uoriginale tilbygg bryt ofte med den opprinnelege arkitekturen. Ålhytta vil gjerne bidra til å ta vare på hytta di – også for komande generasjonar. Med sitt fleksible byggesystem kan Ålhytta i tillegg levere mindre bygg som passar inn i eit Ålhyttetun.

Modulelementa til både nye hytter og tilbygg, blir laga i fabrikklokalet vegg i vegg med hovudkontoret ved Gullhagen i Ål. Her har elementa blitt til sidan starten på sekstitalet.
Ålhytta var av dei fyrste som produserte ferdige standardelement innomhus. Slik blir produksjonen både meir effektiv og enklare, og mindre vêrutsett.

Det kortar også ned tida på byggeplassen. Veggane kjem snøgt på plass og nybygget kan bli både vind- og fukttett før regnet kjem.

Hytta vår på Sangefjellet har stått med same tak i meir enn femti år. Levetida vil variere, men etter førti år kan det bli nødvendig å skifte tak. Om mykje nedfall frå lauvskogen rundt har tæra på taket, eller mose har fått godt feste, kan tretak få roteskade. Tidlegare vart det nytta asfaltpapp til undertak. Med tida vil denne pappen krakelere og bli utett. Hytta vår har også fått nye tilbygg som treng tak. Då passa det godt å skifte ut både undertaket og det gamle kreosottaket. No brukar Ålhytta Royalimpregnerte takbord.

Mindre hus levert av Ålhytta er enkle å flytte. Husa står gjerne på pilarar eller sementblokkar som ligg rett på bakken. I hyttetunet vårt på Sangefjellet, kom uthuset svært tett på den ombygde hytta. I tillegg stod den litt for lågt i terrenget og var utsett for fukt frå vegetasjonen rundt. Med kran var det enkelt å flytte det elementbygde uthuset til nye fundament.